Жогорку Кеңештин депутаты, коррупцияга шек саналып кармалган Кубанычбек Жумалиев Бишкектеги менчик ооруканалардын биринде дарыланууда.
Бул тууралуу өздүк булактар 7tv.kg сайттына билдирди.
Ал эми, маалыматты тактоо үчүн Улуттук коопсуздук мамлекеттик комитетинин (УКМК) басма сөз кызматына байланышканыбызда комментарий берилбей турганын билдирди.
Белгилей кетсек,Жумалиевди УКМК 4-февралда Жазык кодексинин 319-беренеси («Коррупция») боюнча кармап, Бишкектин Биринчи май райондук соту аны эки айга, 4-апрелге чейин камакта калтырган.
Ал Эл аралык медициналык университетке лицензия алууда, ошондой эле, кылмыштуу жол менен табылган кирешени легалдаштырууда, салык жашырууда, мыйзамсыз баюуда алдын ала аныкталган шек саноонун негизинде айыпталууда.
