Президент Садыр Жапаровдун АКШ Мамкатчысы Энтони Блинкендин катына берген жообун эксперт Бакыт Бакетаев «Кабар» улуттук агенттигине комментарийлеген.
Ал кыргыз президентинин каты АКШ Мамдепартаментигиндеги көптөрдүн көзүн демократиянын өнүгүшү бир топ натыйжалуу болооруна жол ачат деп ишенет.
«Биздин оппозиционерлер жана журналисттер каржылоонун артынан түшүп алышып, кантип компрадорго айланганын өздөрү да байкабай калышты. Алар демократияны өнүктүрүүгө умтулган батыш өлкөлөрүнүн ишенчээктигин жана ыкластуулугун жеңил гана пайдаланып жатышат.
Садыр Жапаровдун каты батыш ишмерлерин биздин компрадорлордун гипнозунан ойготуп, демократияны өнүктүрүү боюнча иштерин бир топ натыйжалуу жолго бурат деп ойлойм.
Мен эл аралык тажрыйбалуу саясатчылардын бири болгон Блинкен ойлонуп көрүп, биздин өлкөдөгү демократиянын акыбалы боюнча реалдуу анализ чыгарат деп ишенем», — деген Бакетаев.
Булак: Саясат.kg
