Ысык-Көл облусунун Ананьев айыл аймагынын айылдык кеңешинин төрагасы, маркум К.Асанбектин уюшкан кылмыштуу тобунун мүчөсү кармалды. Бул тууралуу УКМКдан билдирди.
М.С.К. кылмышкерлердин колдоосун пайдаланып, аталган айыл аймактагы 42 гектар айыл чарба жер аянтын, жергиликтүү бюджетке тиешелүү төлөмдөрдү төлөбөстөн жана укукту күбөлөндүрүүчү документтерди албастан мыйзамсыз пайдалангандыгы аныкталды.
Мындан улам, ал 28-мартта жер тилкесин мыйзамсыз басып алууну уюштурган жана ага жетекчилик кылган деген шек менен кармалып, Каракол шаардык сотунун чечими менен Караколдогу №23 тергөө абагына 2 айга камакка алынды. Учурда тергөө уланууда.
