180 миң сом өлчөмүндө пара талап кылуу фактысы менен Бишкек шаарынын РИИБнин иликтөө кызматынын тергөөчүсү, милициянын лейтенанты кармалды. Бул тууралуу УКМКдан билдирди.
Аталган тергөөчү козголгон кылмыш иши боюнча маселени оң чечүү үчүн айыпталуучу жарандан акча талап кылган. Ошол эле учурда опузалап акча талап кылуу айыпталган беренелерди олуттуураак беренелерге кайра классификациялоо коркунучу менен жасалган.
Мындан улам, тергөөчү А.Э.А. убактылуу кармоочу жайына киргизилди. Учурда УКМК тарабынан ИИМ жетекчилиги менен биргеликте укук коргоо органдарындагы коррупциялык көрүнүштөрдү жоюу боюнча тиешелүү иштер жүргүзүлүүдө.
