Эми Казакстан да Тик Ток платформасын жабууну карап жатат. Адепсиз сөздөр жана шектүү мазмундагы видеолордон улам бөгөттөө мүмкүнчүлүгү каралууда экенин өлкөнүн Маданият жана маалымат министри Аида Балаева билдирди.
Аткаминердин айтымында, мындай чара өлкөдөгү «стабилдүүлүктү жана биримдикти сактоого» жардам берет. Ал аталган платформа Казакстанда жайылтууга тыюу салынган материалдардын саны боюнча алдыда экенин белгиледи.
Ошол эле учурда журналисттин бул «балдарга кам көрүү» деген шылтоо менен коюлган цензурабы деген суроосуна министр Тик Токтун жабылышын сөз эркиндигин чектөө катары эмес, аны коргоонун зарыл чарасы катары баалай турганын айтты.
