26-апрелде өлкө башчы Садыр Жапаров жергиликтүү телеканалдардын биринде интервью берип, суроолорго жооп берди. Анда президент кыргыз элине кайрылып, шайлоодо 80 пайыз добуш алганын айтып, аягына чейин колдоону суранды.
«Элибиздин 80 пайызы колдоп, мени президент кылышты. Ошол эле мезгилде эңшерилген экономикасы менен өлкөнү колума тапшырды. Ошондуктан айтарым ишенген жаныңар аягына чейин ишенгиле. Ар бир ишенип добушун берген адамды мен жер каратпайм. Беш жылдан кийинби же он жылдан кийинби мен бирөөңөрдү дагы жер каратпаймын. Ар бир кабыл алган чечимибиз мамлекет үчүн, жеке кызыкчылыгым үчүн бир дагы нерсе жасабайм. Колдогонго жараша аягына чейин колдогула», — деди Садыр Жапаров.
