Баткен облусунун Сүлүктү шаарындагы шахтада эки кенчи газга ууланып каза болду. Бул тууралуу Өзгөчө кырдаалдар министрлиги билдирди.
Маалыматка ылайык, окуя болгон жерге куткаруучулар барып, газга ууланган эки адамды шахтадан алып чыгып, тез жардам кызматкерлерине өткөрүп беришкен. Бирок дарыгерлер алардын өмүрүн сактап кала алышкан эмес.
Каза болгондор Сүлүктү шаарынын 23 жана 63 жаштагы тургундары экени маалым болду.
Белгилей кетсек, ушул окуя менен кошо март айынан бери Баткен облусундагы шахталарда каза болгондордун саны беш адамга жетти.
Посмотреть эту публикацию в Instagram
