Бишкекте Кыргыз Республикасынын Жазуучулар союзунун төрагасы Каныбек Иманалиев менен Кытай Жазуучулар ассоциациясынын төрагасы Чжан Хунсэн баштаган делегациянын жолугушуусу өттү.
Жолугушуунун жыйынтыгында эки өлкөнүн башкы адабий уюмдарынын ортосунда расмий кызматташуу келишимине кол коюлду.
Макулдашууга ылайык, тараптар заманбап калемгерлердин чыгармаларын өз ара которуу, биргелешкен адабий долбоорлорду ишке ашыруу жана жазуучулардын тажрыйба алмашуусу үчүн иш сапарларды уюштуруу боюнча кызматташат.
Тараптар бул келишим кыргыз-кытай маданий байланыштарын чыңдап, улуттук адабиятты эл аралык деңгээлде жайылтууга өбөлгө түзөрүн белгилешти.
