Көк-Арт аймагында жол кыймылын иретке келтирүү жана унаа тыгындарын азайтуу максатында кеңейтилген жыйын өткөрүлдү. Бул тууралуу Манас шаарынын мэриясы билдирди.
Жыйындын жүрүшүндө Ынтымак көпүрөсүнүн аймагындагы негизги транспорттук түйүндөр талкууланып, Бегалы Аттокуров жана Канатбек Абдурасулов көчөлөрүн Көк-Арт дарыясынын жээгинде курулуп жаткан жаңы жол менен байланыштырган кесилиште айланма жол куруу сунушу каралды.
Адистердин маалыматына ылайык, курулуш иштеринин алкагында долбоорго туура келген айрым объекттер демонтаждалат. Бул боюнча жергиликтүү тургундарга түшүндүрүү иштери жүргүзүлүп, мыйзамдуу негизде катталган мүлктөр үчүн компенсация төлөп берүү каралары белгиленди.
Ошондой эле айланма жолдун курулушу тиешелүү мамлекеттик жол-транспорт тармагына жооптуу орган тарабынан каржыланары айтылды.
Жыйындын жыйынтыгында жооптуу кызматтарга долбоордук документтерди ыкчам даярдап, курулуш иштерин белгиленген мөөнөттө баштоо тапшырмасы берилди.
