Суу ресурстары, айыл чарба жана кайра иштетүү өнөр жайы министри Эрлист Акунбеков ведомстволук мекемелерге жана илимий-изилдөө институттарына жаңы кызматтык унааларды тапшырды.
Министрликтин маалыматына ылайык, жалпысынан 12 жеңил унаа Жерди жана сууну көзөмөлдөө кызматына, Ичүүчү суу менен камсыздоо жана саркынды сууларды чыгарууну өнүктүрүү департаментине, «Асыл тукум жылкы чарбасынын мамлекеттик холдинги» мамлекеттик мекемесине, ошондой эле айыл чарба, мал чарба, ветеринария жана ирригация багытындагы илимий-изилдөө институттарына берилди.
Министрликтен белгилешкендей, кызматтык унаалар мекемелердин материалдык-техникалык базасын чыңдап, кызматкерлердин ишинин натыйжалуулугун жогорулатууга багытталган.
