Интернетте тараган Кемин районунун Орловка шаарындагы лыжа базасынын асма жолунда электр энергиясы өчкөнү тууралуу маалыматтан кийин Жаратылыш ресурстары министрлигине караштуу Экологиялык жана техникалык көзөмөл кызматы жеринде текшерүү жүргүздү.
Маалым болгондой, текшерүүнүн жыйынтыгында электр жарыгы өчкөн учурда резервдик дизелдик генератор ишке киргенге чейин асма жолдун иши убактылуу токтотулганы аныкталган.
Бул факты боюнча «Энтузиаст» ЖЧКсына 20 миң сом өлчөмүндө айып пул салынып, коопсуздук талаптарын сактоо боюнча алдын алуу жана түшүндүрүү иштери жүргүзүлгөн.
