Жыл башынан бери Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматы «Манас» бажы постунун кызматкерлери менен биргеликте психотроптук жана күчтүү таасир этүүчү дары-дармектерди Кыргызстанга мыйзамсыз алып кирүүгө жасалган бир катар аракеттердин алдын алды. Бул тууралуу ИИМ билдирди.
Маалым болгондой, жүргүзүлгөн ыкчам иш-чаралардын алкагында 14 чет элдик жаран кармалды. Мыйзамсыз жүгүртүүдөн 600 таблетка, 150 капсула жана 10 даана спрей алынган.
Учурда бул фактылар боюнча тиешелүү тергөө иштери жүргүзүлүүдө.
