Ысык-Көл районунун Григорьевка капчыгайында селден улам жараксыз абалга келген көпүрөнү калыбына келтирүү иштери аяктады. Бул тууралуу Өзгөчө кырдаалдар министрлиги билдирди.
Маалыматка ылайык, 2-июлда нөшөрлөп жааган жаандан кийин Чоң-Ак-Суу дарыясында суунун деңгээли көтөрүлүп, капчыгайдагы 5- көпүрө жараксыз абалга келген.
ӨКМдин адистери, Садыр Аке айыл өкмөтү жана «Чайна роуд» ишканасынын атайын техникаларынын катышуусунда көпүрө кыска мөөнөттө кайра курулду.
Учурда көпүрө толугу менен калыбына келтирилип, унаалар менен жөө жүргүнчүлөрдүн коопсуз өтүүсү камсыздалды.
