Бул жылы Кыргызстандын Эгемендүүлүк күнү 31-августта эмес, 11-12-сентябрда Талас шаарында белгиленет. Бул тууралуу Министрлер кабинети маалымдады.
Минкаб төрагасы Адылбек Касымалиев бүгүн, 25-июлда, Талас облусунун түзүлгөндүгүнүн 82 жылдыгына арналган салтанаттуу иш-чарага катышты. Ал акыркы жылдары пезиденттин колдоосу менен Талас облусунда социалдык, инфраструктуралык жана экономикалык чөйрөдө ири долбоорлор ишке ашырылып жатканын кошумчалаган.
Анын айтымында, бир катар объектилер Эгемендүүктүн 35 жылдыгына карата быйыл пайдаланууга берилет. Ошондой эле Талас районунда «Манас Ордо» тарыхый-маданий комплекси, Айтматов районунда «Айтматов Ааламы» маданий-мемориалдык комплекси курулуп жатканын эске салган. Муну менен катар Суусамыр – Талас – Тараз эл аралык унаа жолун реконструкциялоонун стратегиялык маанисин жана «Бала-Саруу» чакан ГЭСин белгилеген.
Мындан тышкары, Кыргызстандын Эгемендүүлүгүнүн 35 жылдыгына арналган майрамдык иш-чараларды уюштуруу жана өткөрүү боюнча жыйын өткөргөн.
