2026-жылдагы Дүйнөлүк көчмөндөр оюндарынын эл аралык катчылыгы «Мурас – кыймылда» видеодолбоорунун экинчи бөлүгү – «Ылдамдык» аттуу роликти сунуштады.
Ролик оюндардын спорттук программасына жана ат үстүндөгү улуттук спорт түрлөрүнө арналган. Анда тыйын эңмей, көк бөрү, ат чабыш жана эр эңиш аркылуу көчмөндөрдүн кылымдарды карыткан салттары жана чабандестик өнөрү чагылдырылган.
Уюштуруучулардын айтымында, Дүйнөлүк көчмөндөр оюндары дүйнөнүн 90дон ашуун өлкөсүнөн келген спортчуларды бириктирип, улуттук спортту жана көчмөндөрдүн маданий мурасын дүйнөгө жайылтууга өбөлгө түзөт.
