Коомдук ишмер, Билим берүү жана илим министринин кеңешчиси Замир Айылчиев кыргыз-тажик чек арасында октон улам көз жумган аскерге арнап ыр чыгарды.
Анын айтымында, маркум Эсентур Кубанычбек уулу 30 жашта, жана үй-бүлө кура элек болчу.
«Өмүрүңдү мекенге арнадың Эсен,
Өлкөң үчүн өрнөктүү жашадың Эсен,
Өрттөй болуп өлкөңө күйүп жанып,
Өз өлкөңдүн тарыхында калдың Эсен.
Жаткан жериң жайлуу болсун. Сени эстеп ыр жазам деп ойлогон эмесмин. Мыктынын мыктысы элең. Пикирлеш элек. Билесиңби, үйлөнбөйсүңбү деп тамашалап көп айтчумун. Жашоонун тузун татпадың. Сени тирүү кезиңде эле баалачумун», — деп жазган ал.
Белгилей кетсек, Кыргыз-Тажик чек арасындагы жаңжалдан 1991-жылы туулган аскер Эсентур Кубанычбек уулу каза болду. Ал Нарындын Ат-Башы районуна караштуу Ак-Муз айылында 1991-жылы туулган.
Маалыматка ылайык, Эсентур Кубанычбек уулу Д.Асанов атындагы аскердик лицейин бүтүрүп, андан кийин Орусиядан билимин жогорулатып келген.
