Бүгүн, 7-июнда Жалал-Абад шаардык кеңешинин сессияга чогулуп, Жалал-Абад шаарынын мэрин шайлашты. Сессияга 31 депутаттын 29у катышып, шаардын мэрлик кызматына жалгыз талапкер Эрнисбек Ормоковду бир добуштан колдоп беришти.
Бул тууралуу шаардык мэриянын басма сөз кызматы билдирет. Маалыматка ылайык, сессиянын күн тартибинде шайлоо жана мекеме ишканалардын жетекчилерин дайындоо киргизилген.
Белгилей кетсек, Эрнисбек Ормоков Жалал-Абад шаардык кеңешинин үч чакырылышында депутат болуп, бир топ убакыт шаардык кеңешке төрагалык кылган. Ал өткөн жылдын октябрь айынан бери Жалал-Абад шаарынын мэрлик кызматын аркалап келүүдө.
