Ушул жылдын январь айынан апрелге чейин Кыргызстандан малдын 315,7 тонна ич эти экспорттолгон. Бул тууралуу Улуттук статистикалык комитеттин маалыматында билдирди.
Малыматка ылайык, мекеме «малдын ичеги-карыны» товардык номенклатура боюнча маалымат берген. Анда жеткирүүнүн жалпы көлөмү 367, 8 миң долларга бааланган.
Акыркы төрт айда Кыргызстандан ич эт алган мамлекеттер:
- Гонконг — 216,2 тонна;
- Түркия — 51,7 тонна;
- Вьетнам — 28 тонна;
- Египет — 19,8 тонна.
Белгилей кетсек, Вьетнам былтыркы жылы да алган. Бирок I кварталдын жыйынтыгы боюнча, аталган товар бул мамлекетке экспорттолгон эмес. Акыркы төрт айдын ичинде Вьетнам кайрадан Кыргызстандан ич эт алган мамлекеттердин катарына кирген.
