Бишкек-Ош жолунда карды атайын түшүрүү иштери жүрүп жатат. Бул тууралуу ӨКМден билдиришти.
11-марттан 17-мартка чейин Токтогул районуна караштуу Бишкек-Ош унаа жолунда кар көчкү атып түшүрүлөт.
Бүгүн Бишкек-Ош унаа жолунун 255-чакырымында ӨКМдин ыкчам тобу жана Коргоо министрлигинин артиллериялык эсеби саат 13:00дөн 13:30га чейин атайын снаряд атып, натыйжада 5850 метр куб кар көчкү түшкөн. Кар көчкү унаа жолго жеткен эмес. Кар көчкү учурунда унаалардын кыймылы убактылуу токтотулат, бирок каттам толук жабылбайт.
