«Кыргызстан сулуусу-2017» сынагынын жеңүүчүсү, «Аалам сулуусу-2018» сынагынын катышуучусу, италиялык «Emporio Armani» компаниясынын модели Бегимай Карыбекова америкалык агенттик менен кызматташа баштаганын өзүнүн instagram баракчасына билдирди.
«Көпчүлүгүңүздөр билгендей мен убактылуу жаңы шаарга көчтүм.(Ошол себептерден улам социалдык тармактарда активдүүлүк азайды). Көпкө чейин үн катпай жүргөн карьерамдагы бир маанилүү жаңылык тууралуу айтууга даярмын. Азыркы учурда мен дүйнөнүн борбору болгон шаардамын. Жакында эле Нью-Йорк шаарындагы алдыңкы «Major Model» агенттиги менен келишим түздүм.
Бул чоң жетишкендик. Эми менде бир гана Европадагы бренддердин өкүлдөрү менен гана эмес, АКШда иштөө мүмкүнчүлүгүм дагы бар. Бул жерде модельдик чөйрө такыр башкача экен жана өзүнүн нюанстары бар. Эми бул тууралуу кийинки посттордо…»,- деди модель Карыбекова.
