Өзбекстан Республикасындагы элчилигинин колдоосунда Эл аралык маданият кербен сарайында кыргыз-өзбек биргелешкен «Тандем» сүрөт көргөзмөсүнүн ачылышы болду. Бул тууралуу ТИМдин басма сөз кызматы билдирди.
Маалыматка ылайык, көргөзмөдө Алмаз Шаршекеев Кыргызстандын, Умар Раджабов Өзбекстандын заманбап жана таланттуу сүрөтчүлөрүнүн эмгектери коюлган.
Көргөзмөнүн ачылышында, элчиликтин өкүлү өтүп жаткан иш-чара маданият жана искусство тармагындагы эки тараптуу байланыштарды кеңейтүүгө, ошондой эле Кыргызстан жана Өзбекстан элдеринин достугун чыңдоого өбөлгө түзөөрүн белгиледи. Бул контекстте акыркы мезгилде өлкөлөр ортосундагы маданий-гуманитардык кызматташтык эки өлкөнүн ортосундагы салттуу достуктун духунда абдан динамикалуу өнүгүп жатканы баса белгиленди.
Ошондой эле биргелешкен сүрөт көргөзмөлөрүн өткөрүү практикасы мындан ары да, анын ичинде Кыргызстандын аймагында да улантыла берерээри айтылды.
Белгилей кетсек, көргөзмөнүн алкагында көрсөтүлгөн эмгектер менен 25-мартка чейин таанышууга болот.
