Бүгүн, 27-февралда комитет жыйынында билим берүү министринин милдетин аткаруучу болуп дайындалган Каныбек Иманалиев Элмурза Сатыбалдиевдин «Садыр Жапаровдун командасына өз ыктыярыңыз менен эле кошулуп калдыңызбы?»,- деген суроосуна жооп берди.
«Саясат бул конкуренция…Мен шайлоодо оппонент болгонум — бул бир гана максатта парламентаризмди коргоо үчүн болгон. Баш отумду сайып… Бирок силердин убалыңарга мурдагы парламент калды, канатыңарды кыркып салды, тилекке каршы… Элдин чечимин сыйлаш керек. Эл президенттик-парламенттик жолду тандады. Садыр Нургожоевичке рахмат, жеке бири-бирибизге болгон сын-пикирди аттап өтүп, мамлекеттик кызыкчылыкты биринчи орунга койдук. Ушул жакшы салт болуп калышы керек,» — деди ал.
