Орусияда адам өлтүрүүгө шектелип, издөөдө жүргөн кылмышкер Казань шаарынан кармалды. Бул тууралуу орусиялык басылмалар жазып чыгышты.
Маалыматка ылайык, кармалган адам 38 жашта. Ал 32 аялды өлтүргөндүгүн мойнуна алган.
Шектүү алгачкы көрсөтмөсүндө кылмыштарды Орусиянын ар кайсы аймагында жасаганын жана өлтүргөн аялдардын басымдуу бөлүгү улгайган аялдар экендигин айтып берген видеосу интернетке тараган.
«Маньяк өзүн «желдетүүчү түтүктөрдү тазалоочу жооптуу кызматкермин» деп тааныштыруу менен, жарандардын үйүнө барып жүргөн. Ал аялдардын бардыгын муунтуп өлтүргөн. Биринчи кылмышты 2010 же 2011-жылы жасагандыгын айткан. Полиция кызматкерлери аны түн ичинде досунун батиринен кармашкан. Жасалган экспертизанын жыйынтыгына ылайык, кылмыш болгон жерлерде калган издер кармалган маньякка таандык болгону такталган», — деп айтылат маалыматта.
