Жалпы республикалык тестирлөөгө катышкандар анын жыйынтыгы боюнча сертификатты 27-июндан 4-июлга чейин алышат. Билим берүү жана илим министрлиги билдиргендей, өлкөдө ЖРТ 24-майдан 28-майга чейин өткөн. Бирок айрым мектеп жана колледждин бүтүрүүчүлөрү белгилүү бир себептер менен ага катыша албай калгандыктан, тестирлөө кошумча 24-25-июнда да болот.
ЖРТ жыйынтыгын онлайн билүүгө мүмкүн эмес. Балл сертификаттын өзүндө гана жазылуу болот.