7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Эми абитуриенттер ЖОЖго тапшырганда кыргыз тилинен тест берет

235

Кыргызстанда мындан ары абитуриенттер жогорку окуу жайга тапшырганда милдеттүү түрдө кыргыз тилинен тест берет. Бул тууралуу Билим берүү министрлигинен билдиришти.

Тиешелүү буйрук 7-февралда чыккан. Жалпы республикалык тестирлөөнүн жыйынтыгы боюнча Кыргызстандын жогорку окуу жайларына (менчигинин түрүнө же ведомстволук баш ийүүсүнө карабастан) тапшырган абитуриенттер үчүн ЖРТнын кайсы тилде тапшырылгандыгына карабастан мамлекеттик тил боюнча тест тапшыруусу милдеттендирилет.

Бул мамлекеттик тил боюнча тест абитуриенттин мамлекеттик тилди билүү деңгээлин аныктайт жана жогорку окуу жайларына тапшырууда сынактын жыйынтыгына таасирин тийгизбейт.

Негизги жана предметтик тесттердин жыйынтыктары мыйзам чегинде мамлекеттик тил боюнча тесттин жыйынтыгы менен бирге чыгарылат. Эгерде абитуриент мамлекеттик тил боюнча тест тапшырбаса, анда жалпы республикалык тестирлөөнүн негизги жана предметтик тесттердин жыйынтыгы берилбейт.

Белгилей кетсек, 2023-жылдын 17-июлундагы №140 “КРнын мамлекеттик тили жөнүндө” конституциялык мыйзамына ылайык башталгыч, орто жана жогорку кесиптик билим берүү уюмдарында кирүү жана бүтүрүү экзамендери киргизилет.

236