Бүгүн, 20-сентябрь күнү Белград шаарында (Сербия) өтүп жаткан Дүйнө чемпионатынын алкагында кыз-келиндер күрөшү боюнча мелдештер уланууда.
Айсулуу Тыныбекова 62 килограммга чейинки салмак ченинде күч сынашып, 1/16 финалдык баскычтан баштаган. Алгачкы кармашта дүйнөнүн эки жолку чемпиону Польшадан келген спортчу Александра Волчинскаяны жеңди.
Ал эми, Мээрим Жуманазарова 1/16 финалдан баштап 68 килограммга чейинки салмак ченинде күч сынашат. Турнирдин биринчи беттешинде Мээрим 10:0 эсебинде мөөнөтүнөн мурда атаандашын жеңип алды. Кийинки атаандашы Украинанын өкүлү болмокчу.
