Бишкек шаардык ИИББ МККБ инспекторлору кармалды. Бул тууралуу УКМК билдирди.
Бишкек ШИИББ МККБнын укук тартибин сактоо бөлүмүнүн инспекторлору, мыйзамсыз материалдык баюу, кызмат абалынан кыянаттык менен пайдалануу максатында, автоунааларды камоочу жайлардан алып чыгууга уруксат берүүгө жана ар кандай тоскоолдуктарды жасалма жол менен түзүү боюнча туруктуу схема түзүп алышкан.
Ишти карап чыгууну тездетүү жана оң чечим кабыл алуу үчүн, жол кырсыктардын катышуучуларын акча берүүгө мажбурлашкан.
14-январда бул иш боюнча тинтүү жүргүзүлүп, кылмыш иши козголгон. Жыйынтыгында Бишкек шаардык ИИББ МККБ инспекторлору: Т.С.Э., И.К.М., Б.у.З., А.К.А. кармалды.
Алар УКМКнын тергөө камак жайынын убактылуу кармоочу жайына киргизилди. Учурда бул кылмыштарды жасоого тиешеси бар башка адамдарды аныктоо боюнча иш-чаралар уланууда.
