АКШда өткөн жума ичинде түрдүү атышуулардан 430 жаран окко учуп каза болгон. Бул тууралуу жекшемби күнү ABC телеканалы, «Gun Violence Archive» аналитикалык иликтөөчү уюмуна таянып айтып чыкты.
17-июлдан 23-июлга чейин өлкө ичинде жалпысынан ок атышуу менен коштолгон 915 учур атталган. Анын кесепетинен 1007 жаран жаракат алып, 430 жаран көз жумган. Телеканалдын жамааты бул көрсөткүч, өлкө ичинде ок атышуу күч алып жаткандыгынан кабар берээрин кулак кагыш кылат.
«Gun Violence Archive» уюму 2020-жылы октон жаракат алып каза болгондордун саны 43 миңден ашкандыгын кошумчалаган. Быйыл, 2021-жылдын ушул учуруна чейин окко учкандар 24 миңден ашкан. Эксперттер, абал ушул бойдон уланса, жыл аягына чейин окко учкандар былтыркыдан да көп болушу мүмкүн дейт.