Өткөн жуманын аягы Мамлекеттик бажы кызматынын төрагасы Самат Исабеков Чүй облусундагы жаңы «Silk Way» логистикалык борборунун курулушунун жүрүшү менен таанышып, Эгемендүүлүктүн 30 жылдыгына карата ачылаарын кабарлады. Бул тууралуу Мамлекеттик бажы кызматынан билдиришти.
«Индустриалдык парктын ачылышынын маанилүүлүгү анын көп функционалдуу болушунда. Бажы брокерлери жана кампа жайлары борборлоштурулат. Башкача айтканда, бизнесмендер жана тышкы экономикалык ишмердиктин катышуучулары бардык кызматтарды бир жерден ала алышат. Бул алардын иш жүргүзүүсүн кыйла жеңилдетет. Мамлекеттик казынага түшкөн акча да көбөйөт», — дейт Исабеков.
Ошондой эле аталган борбор иштеп баштагандан тарта «ЮниЛаб» жана «БТС» бажы терминалдары ишин токтотоорун кабарлады.
