Активисттер Бишкек шаарынын Биринчи май райондук сотунун тынчтык митиндерге чектөө боюнча чечимине каршы даттанышты. Бул тууралуу адвокат Евгения Крапивина Facebook баракчасына жарыялады.
Маалыматка ылайык, аялдардын укугу жана зомбулукка каршы тынчтык жүрүшүнүн уюштуруучулары биринчи инстанциядагы сот процесси учурунда одоно мыйзам бузуулар болуп, чечим кабыл алынды деп эсептешет. Алар өз арыздарын Бишкек шаардык сотуна жөнөтүшкөн.
«Тынчтык митингинин эркиндиги — бул Адамдын укуктарынын жалпы декларациясында, эл аралык укуктун жалпы таанылган принциптерин жана ченемдерин түзгөн бир катар маанилүү эл аралык документтерде камтылган адамдын негизги фундаменталдык укуктарынын бири», — деп айтылат анда.
Буга чейин Бишкекте 22-апрелге чейин тынчтык жүрүштөрүн уюштурууга тыюу салынганы белгилүү болгон. Биринчи Май райондук акимиаты митингдерди жана тынчтык акцияларын чектөө боюнча сотко кайрылган, себеби жөө жүрүшкө катышпаган жарандар жеке коопсуздугу үчүн кооптонушат.
