Актёр Нуржаасын Жумагулов бөйрөгүнө операция жасатуу үчүн Түркияга кечээ күнү учуп кетти. Бул тууралуу ал өзүнүн социалдык тармактагы баракчасына жазды.
«Абалым азырынча жакшы, гемодиализ алып жатам. Айдын башында баралы деп план коюп жатканбыз. Бирок Түркияда Курман айт майрамын 10 күн майрамдашкандыктан 8-июлдан 18-июлга чейин иш күн эмес экен. Ошол себептен бүгүн, 17-июлда учууну чечтик», — деп жазды актёр.
Актёр 2 жылдан бери бөйрөк оорусу менен жабыркап келет. Анын эки бөйрөгү тең жабыркагандыктан учурда гемодиализ алууда. Ага апасы же бөлөсү донор болору белгилүү болгон.
Нуржаасын Жумагулов «Мегатой», «Миң бир түн», «Жетикс», «Напарниктер» жана башка кинолордо роль ойноп, спектаклдерде образ жараткан.