Кара-Булак эс алуу жайында “Тоолордо кыргыз жүрөгү” аталышындагы айтыш өттү. Айтыштын финалдык бөлүгүндө акындар Мамбеттокто Мамбеторозо уулу менен Нурсултан Малдыбаевдин айтышы орун алды.
Анда Мамбет акын «эл алдына алып чыгып кара кызды, бир жүгүнтүп бата алып койбойсуңбу» деп сунуштады эле, Нурсултан акын Нурайым Акылбекованы чакырып, ал эл алдында жүгүндү.
Бул айтыш меценат Жумадыл Эгембердиев тарабынан уюштурулуп, жалпы байге фонду 1 миллион сомду түздү. Баш байге Жылдызбек Төрөкановго, 1-орун Кутман Садыбакасовго, 2-орун Мамбеттокто Мамбеторозо уулу менен Нурсултан Малдыбаевге, 3-орун Изат Айдаркулова жана Турат Жумаевге ыйгарылды.
