Бишкектен алыс эмес, кооздугу Швейцариядан кем калышпаган, шарты мыкты А-фрейм глэмпингдерибиз.
Президенттин иш башкармалыгына караштуу “Ала-Арча” жаратылыш паркы 2 жыл ичинде таанылгыс болуп өзгөрдү.
- Өткөн жылы жолуна асфальт басылган;
- жол жээктерине жарык коюлду;
- унаа токтотуучу жайлары кеңейтилген;
- жаңы тартип киргизилип, кире бериши онлайн көзөмөлдөнүп, төлөмдөр санариптештирилген.
Анын натыйжасы менен кирешеси 2-3 эсеге өстү. Түшкөн пайдасы менен бул жылы мейманканасын толук оңдоп, эски имараттарды жаңылады.
Заманбап үлгүдөгү 24 даана А-фрейм глэмпингдерди куруп, колдонууга берди. Аларды шаардын тургундары, келген коноктор, туристтер пайдаланса болот.
“Ала-Арча” жаратылыш паркы күн сайын конокторду жогорку деңгээлде күтүү мүмкүнчүлүктөрү кеңейип баратат.
Автор: Элмира Шерипова
