Кыргызстандык спортчу Атабек Азисбеков Токиодогу Олимпиада оюндарында 10-орунду ээледи. Ал 3-августта грек-рим күрөшү боюнча 87 кг салмакка чейинки категорияда килемга чыккан.
Азисбеков биринчи беттеште дүйнөлүк рейтингде 1-орунда турган венгриялык Виктор Лоринцге 6:1 эсебинде жеңилип калган. Виктор Лоринц финалга чейин жетип барганына байланыштуу Азисбеков жубатуучу беттешке чыгып, коло медаль үчүн күрөшүүгө мүмкүнчүлүк алган.
Бирок, кечээ 4-августта Азисбеков жубатуучу беттештин биринчи раундунда германиялык балбан менен күч сынашкан. Азисбеков беттештин биринчи бөлүгүн 2:0 менен уткан, бирок экинчи бөлүктө германиялык балбан 10 упай топтоп, жеңишти илип кеткен.
Жыйынтыгында грек-рим күрөшү боюнча 87 кг салмакка чейинки категорияда Азисбеков 16 спортчунун ичинен 10-орунду алды.