Улуттук коопсуздук боюнча мамлекеттик комитети “Азия Ньюс” гезитинин башкы редакторуна карата сотко чейинки өндүрүштү баштады. Бул тууралуу УКМКнын басма сөз кызматы билдирди.
Маалыматка ылайык, Сартбаев Жазык кодексинин 313-беренесинин (Расалык, этностук, улуттук, диний же региондор ортосундагы кастыкты (араздашууну) козутуу) 1-бөлүгүндө көрсөтүлгөн кылмышка шектелүүдө.
Бул факты боюнча Асланбек Сартбаев өздүк баракчасында жарыялаган материалда аймактар аралык кастыкты козутуунун белгилери бар жк жок экендиги боюнча тиешелүү экспертиза дайындалган.
Белгилей кетсек, журналист Асланбек Сартбаев Бишкектин мэринин милдетин аткаруучу болуп жаңы дайындалган Таалайбек Сарыбашовго карата пикирин жеке баракчасына калтырган. Ага карата бир нече сындар айтылууда.
