Бүгүн, 13-сентябрда Биринчи май райондук сотунда Кой-Таш окуясы боюнча отурум болот. Ага мурдагы Президент, учурда абакта олтурган Алмазбек Атамбаев да катышат. Бул тууралуу КСДПнын расмий өкүлү Кундуз Жолдубаева кабарлады.
Маалыматка ылайык, судья Азирет Медеровдун чечими менен дайындалган соттук-медициналык экспертизанын жыйынтыгы чыкты. Отурумга экс-президент Алмазбек Атамбаев алып келинет. Ага каалоочулардын баары жана жалпыга маалымдоо каражаттарынын өкүлдөрү да катыша алат.
Соттук отурум саат 14:00дө башталат.