Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу УКМКДан билдирди.
Алыскы жана жакынкы аймактарга, чет өлкөлөргө, Кыргыз Республикасына, андан соң коңшулаш Казакстан, Өзбекстан жана Кытай Эл Республикасына баңгизаттарды мыйзамсыз алып өтүүнүн туруктуу каналын уюштуруу аркылуу, көмүскө кирешелерди адалдоо менен алектенген трансулуттук кылмыштуу топтун ишмердүүлүгүнө бөгөт коюлду.
Тактап айтканда, масштабдуу оперативдүү иштердин натыйжасында Бишкек шаарындагы кампалардын биринен жалпы салмагы 4 тоннадан ашкан ири көлөмдөгү апийим куурайы аныкталган. КР жарандары А.Ф.К. жана А.А.К. кармалды.»Кодеин» жана «Морфин» баңги жана психотроптук заттарын камтыган апийим куурайынын лабораториялык изилдөөлөрүнүн жыйынтыгы 350 килограммга жакынды түздү.
Кармалгандар УКМКнын тергөө абагына киргизилди. Учурда тергөө иштери жүрүп жатат.
