Бүгүн, 3-ноябрда Орусиянын белгилүү ырчысы Филипп Киркоров Бишкекке учуп келди. Бул тууралуу ал өзүнүн социалдык тармактагы баракчасына билдирди.
«Кыргыз эли меймандостугу менен жылуу кабыл алышат. Ушунчалык көп белектерди жана сюрприздерди жасашат. Мен үчүн эң башкы белек – көрүүчүлөрдүн сүйүүсү жана аншлаг. Андыктан, кечинде элдин сүйүүсүнө күбө болуп, эң мыкты хит ырларымды тартуулайм. Чыдамсыздык менен баарыңыздарды күтөм»,-деп жазган ырчы мырза.
Белгилей кетсек, бүгүн Бишкекте Филипп Киркоровдун жеке концерти өтмөкчү.