Грек-рим күрөшү боюнча балбан Акылбек Талантбеков 2027-жылдын 11-июнуна чейин мелдештерден четтетилди. Бул тууралуу Эл аралык тестирлөө агенттигинин сайты кабарлады.
Спортчудан 2023-жылдын 10-апрелиндеги текшерүүдө тыюу салынган метастерон аныкталган.
Спортчуну алгач 2023-жылдын 12-июнуна чейин убактылуу четтетүү чечими кабыл алынган, бирок териштирүүдөн кийин төрт жылга дисквалификация кылганын көрүүгө болот.
Эске салсак, Акылбек Талантбеков былтыр апрелде Астанадагы Азия чемпионатында биринчи орунду ээлеп, чемпион болгон.
Спортчу 82 килограмм салмакта финалдык беттеште казакстандык Диас Календи уткан. Эми алтын медаль казакстандык спортчуга өтмөкчү.
