Баткен облусунун Кара-Булак айыл аймагында мөндүр аралаш жааган жаандан ички чарбалык жолдорду сел суулары каптады. Бул тууралуу ӨКМдин басма сөз кызматы билдирди.
Билдирүүгө ылайык, 19- май күнү саат 19:00 чамасында Кара-Булак айыл аймагындагы Узун-Кол жана Айгүл-Таш сайларынан келген сел суулары айылдын ички чарбалык жолдоруна, турак үйлөрдүн короолоруна кирген.
Алдын ала маалымат боюнча, саат 20:00 чамасында жааган жаандын кесепетинен Бөжөй айылындагы тоо жылгалардан түшкөн сел суулары, айрым турак үйлөрдүн короосуна кирип, ички жолдун 50 м аралыгында кум, шагалга толуп, жол каттамы үзгүлтүккө учураган.
Тактоо жана тазалоо иштери бүгүн, 20-май күнү жүргүзүлөт. Кошумча маалымат берилет.
Посмотреть эту публикацию в Instagram
