Кечээ, 9-майда УКМК тарабынан козголгон кылмыш ишинин алкагында Баткен районунун Кара-Бак айылынын тургундарынын жеке үйлөрүндө тинтүү иштери жүргүзүлгөн.
Жүргүзүлгөн тинтүү иштеринин жыйынтыгында Ж.Д.нын үйүнүн ичинен 36 кутуда коңшу мамлекеттин аймагынан аткезчилик жол менен алынып келинген акциздик маркасы жок 18 миң пачка тамеки табылган. Жүктүн алдын ала суммасы 1 миллион 800 миң сомду түзөт.
Иликтөө иштеринин жүрүшүндө аталган үйлөрдүн жашоочулары, тинтүү учурунда табылган контрабандалык жүктөрдү жашыруу максатында милиция кызматкерлерине катуу каршылык көрсөтүп, физикалык күч колдонушкан. Натыйжада айрым милиция кызматкерлери ар кандай жеңил дене жаракаттарын алышкан.
Бул факты боюнча Кара-Бак айылынын 3 тургунуна кылмыш иши козголуп, убактылуу кармоочу жайга киргизилди.
