Mercer эл аралык консалтинг компаниясынын изилдөөсү боюнча Бишкек чет элдиктердин жашоосу үчүн эң арзан шаарлардын бири деп табылды. Эң кымбат шаарлардын сап башына Гонконг чыкса, алдыңкы үчтүккө Сингапур жана Цюрих кирди.
Рейтингде Бишкек 224-орунда турат. Ал эми тегеректеги башка шаарларда көрсөткүч төмөнкүдөй: Таллин (100-орун), Ереван (141), Баку (177), Минск (182), Алматы (208), Ташкент (218), Душанбе (223).
Белгилей кетсек, тизме турак жай баасы, транспорттук чыгымдар, тамак-аш, кийим-кече, тиричилик буюмдары жана көңүл ачуу сыяктуу ондогон факторлорду салыштыруунун негизинде түзүлгөн.
