Бишкек — Нарын — Торугарт унаа жолунун 343-чакырымында Mercedes-Benz Sprinter жана Toyota Rav 4 кагышып, тогуз адам жабыркаган. Бул тууралуу Нарын облустук милициясынын басма сөз кызматынан билдиришти.
Маалыматка караганда, бус 17 жүргүнчү менен Ак-Талаа районунан Бишкектин көздөй жол тарткан, ал эми жеңил автоунаа Нарынга бараткан.
Кырсыктан жабыркаган 9 адамдын төртөө Toyota Rav 4 (айдоочу жана үч жүргүнчү) унаасында бараткан, бир жүргүнчү реанимация бөлүмүндө жатат. Ал эми алган 5 адам бустун жүргүнчүлөрү болгон. Айдоочу жана эки жүргүнчү ар кандай жараат менен ооруканага жаткырылган, дагы экөө реанимацияда.
Учурда тиешелүү экспертизалар дайындалып, териштирүү амалдары жүрүүдө.
