Бишкектеги төрөтканада эгиз төрөгөн 22 жаштагы келин каза болду. Бул тууралуу 7-каналга Саламаттык сактоо министрлигинин өкүлү Раиса Асылбашева билдирди.
Анын айтымында, келин №2 шаардык төрөтканага кош бойлуулуктун 34-жумасында кан басымы көтөрүлгөн абалда келген. Кесарево жолу менен эгиз уул төрөгөн. Операция ийгиликтүү аяктаган, тилекке каршы, 15-январга караган түнү саат 00:30 чамасында каза болуп калган.
Алдын ала маалымат боюнча аялдын кан басымы көтөрүлүп кеткен.
“Учурда, ымыркайлардын абалы жакшы. Азыр экспертизанын жыйынтыгын күтүп жатабыз, андан кийин өлүмдүн себептери аныкталат”,- деди Асылбашева.
