Бишкекте Ленин районунда коронавирус илдетине каршы дагы эки пункт ачылды. Бул тууралуу мэриядан кабарлады.
Маалыматка ылайык, биринчиси «Ала-Арча» соода борборунда жайгашып , саат 10:00дөн 20:00гө чейин иштейт. Экинчиси «Кенч» соода борборунда ачылган. Иш убактысы саат 10:00дөн 17:00гө чейин.
Ленин районундагы башка эмдөөчү жайлар: № 1 бириктирилген үй-бүлөлүк борбору, № 2, 11, 12, 13 жана 17 үй-бүлөлүк борборлору, Темир жолчулардын бейтапканасында жана «Азия Молл» соода борборунда жайгашкан.
Белгилей кетсек, эмдөөдөн өтүүнү каалагандар жанына өздүгүн тактаган документин ала барышы керек.