Бишкекте күн ысыкта оор жүк ташуучу унааларга убактылуу чектөө киргизилди. Бул тууралуу мэриядан билдирди.
Маалым болгондой, 20-майдан 1-октябрга чейин аба ырайы 28°Стен жогору болгондо, саат 09:00дөн 19:00гө чейин салмагы 18 тоннадан ашкан унаалардын муниципалдык жолдордо жүрүүсүнө тыюу салынат.
Чектөө гуманитардык, азык-түлүк, күйүүчү май ташыган жана атайын уруксаты бар унааларга тиешелүү эмес.