Бишкекте скутердин айдоочусу жөө бара жаткан эки адамды сүзүп, алардын бири каза болду. Бул тууралуу Бишкек ШИИБ билдирет.
Окуя 3-сентябрь күнү саат 21:15те болгон. 32 жаштагы Д.Т. Чүй проспекти менен батышты карай баратып жол ортосунда турган 29 жана 31 жаштагы жаранды сүзгөн. Соккудан улам скутер каршы тилкеде бараткан Hyundai Sonata унаасы менен кагышкан.
Кырсыктан 31 жаштагы жаран алган жаратынан каза таап, экинчиси ооруканага жеткирилген. Ал эми скутерди башкарып бара жаткан киши кармалып, кылмыш иши козголду.
