4-март күнү Алыкул Осмонов атындагы Улуттук китепканада Республикалык Ата Жолу коомдук бирикмеси тарабынан “Улуттук дем – дүйнөлүк бийиктик, уңгу жолу” аталышындагы республикалык форум өттү.
Иш-чарага өлкөнүн жети дубанынан келген коом активисттери катышып, улуттук баалуулуктарды сактоо, коомдук биримдик жана руханий өнүгүү маселелерин талкуулашты.
Форумга конок катары Президенттин кеңешчиси Марат Иманкулов, Филология илимдеринин доктору, профессор Венера Сайпидин, тележурналист, Маданиятка эмгек сиңирген ишмер Дүйшөк Мамбетөмүров, коомдук ишмер, акын Дүйшөн Батырбеков катышып, улуттук аң-сезим жана маданий мурас тууралуу пикирлерин билдиришти.
Катышуучулар коомдогу ынтымакты бекемдөө жана салт-санааларды сактоо боюнча сунуштарын айтып, жыйын мазмундуу талкуу менен коштолду.
