Бишкекте Тойота Харриер унаасын уурдап качкан кыз кармалды. Бул тууралуу Жол кыймылынын коопсуздугун камсыздоо башкармалыгынан маалымдашты.
Маалыматка ылайык,бүгүн саат 8:45 чамасында Бишкектин кең Чүй көчөсүндө жайгашкан ЖЭБдин (ТЭЦ) алдында токтоп турган Тойота Харриер үлгүсүндөгү унааны белгисиз жарандар айдап кетти деген маалымат келип түшкөн.
Бул факты боюнча Бишкек шаарынын аймагында “Тосмо” иш-мерчеми киргизилип, ыкчам издөө иш-аракеттери жүргүзүлүп, кайгуул кызматкерлери тарабынан кылмыш изи суй электе кылмышка шектүү катары 2001-жылы туулган О.Ж. аттуу айдоочу кыз мас абалында унааны айдап бара жаткан жеринен кармалган.
Учурда тергөө амалдарын жүргүзүү үчүн Свердлов райондук ИИБнин Тергөө кызматына жеткирилди.
