Бишкекте уюлдук телефонду уурдап изин жашырып жүргөн жаран кармалды. Бул тууралуу Ленин РИИБдин басма сөз кызматы билдирди.
Маалыматка ылайык, 7-сентябрда арыз менен Т.Э аттуу жаран кайрылган. Анда, Рыскулов көчөсүндө белгисиз адамдар күч колдонуу менен 25 000 сомдук Redmi 10 pro маркасындагы уюлдук телефонун алып изин жашырып кеткен.
Бул факты боюнча Кылмыш-жаза кодексинин 206-беренесинин (каракчылык) негизинде кылмыш иши козголгон.
Жүргүзүлгөн ыкчам-иликтөөнүн натыйжасында 2004-жылы туулган шектүү А.А. аттуу жигит кармалып, убактылуу кармоочу жайга СИЗО-1ге камакка 10 суткага киргизилген.
Учурда шектүүнүн башка ушул сыяктуу кылмыштарга катыштыгы бар экендигин аныктоо боюнча тергөө иштери жүргүзүлүүдө.
